Yon nouvo prezidan gen pouvwa pou l kanpe estati imigrasyon tanporè ou genyen an. Nan kèk ka, sa kapab pran kèk mwa oubyen plis tan. Nan kèk lòt ka, prezidan an kapab fè chanjman ki gen enpak sou moun rapidman. Li pa posib pou w predi ekzakteman kilè ak kijan desizyon imigrasyon yo pral chanje pandan dezyèm manda Donald Trump lan.
Eleksyon pou laprezidans an 2024 la konsantre anpil sou politik imigrasyon Etazini. Ansyen prezidan Donald Trump, ki eli pou dezyèm manda li a, mande pou politik imigrasyon pi sevè epi limande pou ogmante depòtasyon yo.
Ka imigrasyon chak moun inik. Li enpòtan pou w pale ak yon avoka imigrasyon oswa yon reprezantan legal ki akredite pou w konnen opsyon pa w yo. Èske w gen enkyetid sou fason yon nouvo prezidan ameriken ka afekte estati imigrasyon w lan? Men kèk repons ak sikjesyon:
- Nouvo prezidan an pa p kapab fè okenn chanjman nan politik imigrasyon an anvan li prete sèman jou inogirasyon l, ki se 20 janvye 2025.
- Men kèk estati imigrasyon ki tanporè:
- Temporary Protected Status (TPS)
- Deferred Action for Childhood Arrivals (DACA)
- Deferred Enforced Departure (DED)
- Pwogram Pawòl (Sa nou souvan rele Pawòl Imanitè
- Yon nouvo prezidan ameriken gen pouvwa pou kanpe estati tanporè sa yo. Nan kèk ka, sa ka pran kèk mwa, oubyen sa kapab pran plis tan. Prezidan an kapab fè chanjman ki afekte moun imedyatman. Li enposib pou predi egzakteman ki lè oubyen ki jan politik imigrasyon yo pral chanje pandan dezyèm manda Donald Trump lan.
- Èske w gen Green Card oubyen ou se sitwayen ameriken? Si se pa sa, ou dwe pale ak yon avoka imigrasyon oswa yon reprezantan depatman lajistis akredite pou w konnen ki opsyon ou genyen pou w jwenn yon estati imigrasyon pèmanan. Yon avoka imigrasyon oswa yon reprezantan akredite ap evalye si w kalifye pou yon estati pèmanan. Si w kalifye pou yon estati imigrasyon pèmanan, li rekòmande pou w kontinye chache estati sa a, kèlkeswa ki moun ki prezidan Etazini.
Li enpòtan pou w sonje, se sèlman avoka imigrasyon ak reprezantanlegal ki akredite ki ka ba w konsèy legal. Fè anpil atansyon ak “notè” oswa notè piblik ki pa gen otorizasyon oubyen ki pa kalifye pou bay konsèy legal. Yo pral gaspiye tan w ak lajan w, epi yo ka mete w nan pwoblèm ak dosye w la.
Anvan ou peye yon moun pou akonpaye w nan dosye imigrasyon w lan, mande l kalifikasyon l. Fòk ou verifye: èske moun nan se yon avoka oubyen yon reprezantan legal ki akredite? Ki eksperyans moun nan genyen nan jere dosye ki gen pou wè ak lwa imigrasyon? Klike sou lyen sa a pou w jwenn plis enfòmasyon sou fwod ki genyen nan dosye imigrasyon. Al gade tou nan lis sa a pou w jwenn yon moun ki gen otorizasyon bay sèvis legal ki kapab ede w pou yon pri ki ba oswa gratis.
Tout moun k ap viv Etazini gen yon seri dwa dapre konstitisyon ameriken an. Moun ki gen estati imigrasyon tanporè yo gen dwa sa yo tou. Konnen dwa w epi ou pa bezwen pè egzèse yo lè w ap kominike ak lapolis oubyen ak ofisye Imigrasyon ICE yo.
Si lapolis oswa yon ofisye imigrasyon kanpe w pou poze w kesyon, sonje ou gen dwa sa yo:
- Ou ka refize pale ak yo. Ou pa oblije di ki kote ou te fèt oswa ki jan ou te antre Etazini.
- Si ou pa yon sitwayen ameriken epi yon ofisye imigrasyon mande w papye w, ou dwe montre yo l, si ou genyen yo avèk ou. Si w gen plis pase 18 ane, toujou mache ak dokiman imigrasyon w yo sou ou, tout tan. Si w pa gen papye imigrasyon, di yo ou vle rete an silans.
- Ou gen dwa pou w pale ak yon avoka.
- Anvan ou siyen yon papye, pale ak yon avoka.
- Mache ak yon kat Know Your Rights (Konn dwa w, an anglè) sou ou epi montre l si yon ofisye imigrasyon kanpe w.
Ou bezwen plis enfòmasyon oubyen asistans?
Tanpri itilize lyen ki anba yo pou jwenn asistans legal gratis oubyen bon mache nan vil w ap viv. Imigrasyon Advocates Network (Repètwa nasyonal pou w jwenn asistans legal gratis oswa a pri ki ba).
Documented.Info kreye resous pou moun ki nan pwosesis imigrasyon Etazini. Nou espere travay sa a ede imigran yo pi byen konprann pwosesis imigrasyon an ak dwa yo. Men, enfòmasyon sa yo pa ranplase konsèy legal yon avoka ki kalifye oswa yon reprezantan lalwa ki akredite. Dènye mizajou a fè nan mwa oktòb 2024.
